recent
أخبار ساخنة

تصريحات بدر بانون مع الكابتن أحمد شوبير



 حوار بدر بانون مع كابتن شوبير ممتع وبيأكد ان كل اللي بنشوفه في الملعب ما هو الا خلفية عقلية اللاعب وشخصيته. 


كابتن شوبير بيسأل بانون عن ثبات اللاعب رغم الضغوط بتاعة الأهلي وأكد على احترامه للرجاء ولكن التحديات مختلة.


 بانون معداش فكرة طرح أسم الرجاء وحول السؤال لاجابة ان نشأته داخل الرجاء وقيادته للرجاء ودوره جمهور الرجاء معاه هو اللي صنع الشخصية دي. اخلاص بانون للرجاء شئ عظيم. 


لما كابتن شوبير سأله عن ركلة الجزاء قاله كنت واثق اني هسجلها وكنت حابب اسدد لأني بحب التحديات دي لأنها بتقرب اللاعب للجمهور بسرعة. 


الأهم تحليل بانون هدف البايرن من رأسيه ليفاندوفسكي. كلنا استغربنا ان بانون سبق ليفاندوفسكي واتحرك لقدام. بانون قال انه اخطأ انه لعب على التوقع لان الكرة كانت في اتجاة الخط والطبيعي في الحالة دي ان ساني كان بيحاول يلحقها فبيلعب العرضية على القائم القريب وعشان كده بانون سبق وقطع على القائم ده ولكن امكانيات اللاعبين الغير عادية خلته ينجح يلعبها صح على البعيدة. 


وليفاندوفسكي يكون منتظرها ومتوقع انها هتتلعب صح. على فكرة اصلا تفكير بانون ده رغم انه خطأ في المرة دي ولكن ده سر تميزه انه لاعب بيتوقع مسار الهجمة عشان كده ٩٠ ٪؜ من تمركزاته صحيحة ولو غلط مرة فهيبقى صح في الباقي غير المدافع النمطي اللي كل دوره يجري ورا الكورة.


اخيرا بانون اتكلم في اهمية منظومة تحليل الاداء في الاهلي وان كل مهاجم لعب عليه كان دارسه وعارفه واتفرج على فيديوهاته وان ده مبيحصلش بالشكل اللي في الأهلي في اغلب فرق أفريقيا. 


تصريحات مهمة جدا بتفسر حاجات فنية اهم وحقيقي بشكر كابتن شوبير على الاحتفالية الممتعة دي بالاهلي اللي صعب اي مشاهد او حد بيعمل في مجال الاعلام ميستمتعش بيها. 

google-playkhamsatmostaqltradent